I. 2024 оны хавар аймгийн БОЭТ-ын дотор авто зогсоол, замыг өргөтгөх ажил эхэлсэн. 
Өнөөдөр хучилт хийсэн замын 20% нь үүрээд алга болсон, бордюр суулгах гэж ойр орчмын ногоон байгууламжийг устгаж, булж, олон 10-н модыг тайрч, барилгын үндсэн хийцлэлд болон шат, явган хүний замыг нэлхүүд нь эвдсэн. 
2025 оны 05 дугаар сарын эхээр ажил нь эхэлж бордюр суулгаж байна.
Энэ ажлын хүрээнд 103 төвийн үүдэнд түргэн тусламжийн машин зогсдог болон эргэн, тойрны авто зогсоол дээр замын ажлын хогоо овоолж хаяад 2 дахь 7 хоногтоо орж байна.

Үүнээс болж БОЭТ-ийн үйл ажиллагаа доголдох эрсдэл үүсэх болон түгжрэл үүсэж байна.

II. Мөн л 2024 оны 05 дугаар сард БОЭТ-ын урдуур явсан авто зам, явган хүний замын голд ИШС солих ажил эхэлж, ухсан шороог авто замын зорчих хэсэгт гаргаж, хавар, зун, намар, өвөл гээд 2 дахь хавартайгаа золгож, жилийн дараа буюу 2025 оны 05 дугаар сарын эхээр уг ажил үргэлжлэн эхэлсэн ч бүтэн 2 долоо хонож байхад өдрийн од шиг ховор ажилтнууд нь ажиллаж байна. Ямар ч хурд алга аа. 
Ингэхдээ экскаватор  газар, шорооны ажил хийж байгаа юм шиг байгаа. 
Энэ хугацаанд VI сургуулийн ард байрлах автобусны зогсоол дээр экскаватор ачиж ирсэн 8119ОРО улсын дугаартай ачааны машинаа бүтэн 14 хоног тавьсан нь замын хөдөлгөөнд саад учруулж, автобус угаасаа шороог зорчих хэсэгт асгаж, хөдөлгөөнд саад үүссэн авто замын нэгдүгээр эгнээ, зорчих хэсэгт зогсож, өглөө, өдөр, орой хичээл тарах үед стресс бухимдал үүсэж байна.

Иймд дараах саналуудыг гаргаж байна. Үүнд:

1. БОЭТ болон хашааны гадна талд ажил хийж байгаа компаниуд нь үйл ажиллагаа явуулахдаа “Төрийн байгууллагуудын үйл ажиллагаанд болон иргэд, авто машинд саад учруулахгүй“ байх,
2. БОЭТ-ийн “Түргэний машины авто зогсоол” дээр асгасан ажлын хог, VI сургуулийн арын “Автобусны зогсоол”-д тавьсан ачааны машиныг ажил дуустал өөр газар шилжүүлэн тавих,
3. Ажил хийхдээ жаахан сэтгэлтэй ажиллах,
4. Ажил хийж байхдаа устгасан ногоон байгууламж, мод, шат, хаалт зэргийн хохирлыг тооцож, буруутай этгээдээр нөхөн төлүүлэх ажлуудыг тус, тус хийлгэж өгнө үү.